Poslovne vijesti - Makedonija

Земјоделски кредити од Шпаркасе банка

Шпаркасе банка воведе нови кредити за развој и поддршка на земјоделството.

Кредитите се обезбедени од сопствени извори и од Земјоделскиот кредитен дисконтен фонд на Македонската банка за поддршка на развојот (МБПР).

Според намената, кредитите се движат до 100.000 евра за примарно производство, до 500.000 евра за преработка на земјоделски производи и до 200.000 евра за трговија со земјоделски производи. За откуп на грозје за преработка, обезбеден е кредит и до 700.000 евра.

Каматната стапка за кредитите со девизна клаузула во зависност од намената може да биде 4 или 5 отсто. За девизните кредити од пари на банката, каматната стапка изнесува 8,45 отсто, а за денарските кредити, стапката е 13 отсто.

За отплата на кредитите се предвидени 4 до 7 години, и грејс-период до 3 години.

На саемот АГРОФУД 2010, кој почнува денеска во Скопје, Шпаркасе банка ќе биде присутна со свој штанд, така што заинтересираните лица директно ќе може да се обратат за сите информации во врска со овие кредити.